Un home faleceu afogado esta tarde na praia de Alcabre, no muncipio de Vigo. Segundo informa o 112 Galicia, sobre as 18,30 horas, o home sufriu unha indisposición mentres se atopaba no mar e varios particulares achegáronse a socorrelo e levalo á area.

Unha vez fóra da auga, os servizos sanitarios tentaron reanimalo pero non puideron facer nada por salvarlle a vida. No lugar interviñeron á súa vez efectivos da Policía Local e do corpo de Policía Nacional.