Un home resultou ferido na tarde deste pasado luns na cidade de Vigo ao ser atropelado polo seu propio vehículo que estacionara sen freo de man.
Segundo informou o 112 Galicia, recibiu o aviso sobre as 20,00 horas deste pasado luns dunha persoa que foi alcanzada polo seu propio vehículo. O alertante foi un particular que informou o Centro Integrado de Atención ás Emerxencias dun atropelo dun coche a un peón na Avenida de Madrid, na cidade olívica.
Por iso, por parte do 112 Galicia puxéronse os feitos en coñecemento dos servizos sanitarios, dos Bombeiros de Vigo e da Policía Local.
Posteriormente, o persoal sanitario indicou que, cidadáns que estaban no lugar liberaran á persoa e, ademais, segundo sinalaron, o que sucedeu foi que o ferido deixara o coche sen freo de man e este pasoulle por encima, apuntou o 112.
