Un home foi atropelado na tarde deste xoves polo seu propio tractor na parroquia de Oliveira, en Ponteareas, en concreto, no lugar de Rabuñade.
Foi un familiar do ferido quen, ao redor do seis e cuarto da tarde, avisou ao 112 Galicia de que unha persoa acababa de ser atropelada pola maquinaria que, nese momento, manexaba.
Con todo, nesta mesma comunicación, o alertante aseguraba que o home estaba ferido, pero que, a pesar de que o tractor lle pasou por encima, non estaba atrapado.
O 112 Galicia informou do ocorrido aos Servizos de Urxencias Sanitarias de Galicia-061, á Garda Civil, á Policía Local, aos Bombeiros de Ponteareas e a Protección Civil da localidade.
Finalmente, o persoal sanitario confirmou o traslado do ferido ao Hospital Álvaro Cunqueiro de Vigo.
