Unha persoa foi evacuada polos servizos de emerxencia no concello pontevedrés da Cañiza tras unha colisión entre tres vehículos ocorrida na N-120. Segundo detallou o 112 Galicia, axentes da Garda Civil de Tráfico detallaron sobre as 17,45 horas deste domingo que se produciu un accidente con tres vehículos implicados no punto quilométrico 622 da N-120, ao seu paso pola parroquia de Petán da Cañiza.

Deste xeito, os xestores do 112 Galicia trasladaron o ocorrido aos servizos sanitarios de urxencia, o GES-SPEIS de Ponteareas e o servizo de mantemento da vía. Finalmente, unha persoa foi evacuada polos servizos de emerxencia.

VEHÍCULO ENVORCADO

Por outra banda, na tarde deste domingo producíronse outro accidente no que non foi precisa a intervención dos servizos de rescate. En concreto, un vehículo envorcou e unha persoa resultou ferida na estrada que Pazos de Borbén e Ponteareas . Tras ser alertado do ocorrido o centro integrado de atención ás emerxencias (CIAE 112 Galicia), activouse un operativo no que participaron os profesionais sanitarios e os axentes da Garda Civil de Tráfico.