Sanidade confirmou a detección dun brote de coronavirus no Hospital Álvaro Cunqueiro de Vigo, en concreto na área de Dixestivo, que afecta, de momento, a seis pacientes, aínda que se seguen realizando probas en busca doutros posibles casos.
Segundo informaron a Europa Press fontes sanitarias, a alerta activouse ao realizarlle unha proba PCR a unha paciente ingresada nesta área, previamente á realización outra proba técnica. Esa PCR arroxou resultado positivo, polo que se estenderon as probas ao resto de pacientes ingresados nesa zona e, ata agora, confirmáronse outro cinco casos máis.
Os pacientes infectados xa foron illados na área COVID do hospital vigués, mentres que as probas realizadas ao persoal non detectaron ningún caso, aínda que aínda se seguen efectuando PCR entre os traballadores.
