InicioSociedadeUnha plataforma dixital axudará a previr o risco de incendios forestais

Unha plataforma dixital axudará a previr o risco de incendios forestais

Está impulsada por un consorcio púbico-privado no que participa a Universidade de Vigo.

PUBLICADO O

- Advertisement -

Un consorcio púbico-privado no que participa a Universidade de Vigo (UVigo) presentou unha plataforma dixital que axudará a previr incendios forestais, a partir do establecemento de diferentes índices de risco e o desenvolvemento de “tratamentos preventivos”.

Trátase do proxecto Topacio, Tecnoloxías de optimización da xestión de infraestruturas para a prevención de lumes, que, por mor dos incendios forestais que arrasaron Galicia a finais de 2017, xurdiu co obxectivo de controlar a vexetación que crece xunto a infraestruturas de transporte.

En marzo de 2018 arrincou este proxecto, que se prolongou ata setembro de 2020 e que actualmente continúa en fase de probas. O obxectivo do grupo é que esta plataforma se chegue a comercializar e estea dispoñible con diferentes niveis de acceso segundo o tipo de usuario.

O consorcio tras este proxecto está conformado polos grupos da UVigo de Xeotecnoloxías Aplicadas (Geotech) e de Tecnoloxía Enerxética (GTE); as empresas Extraco, Aeromedia, Conexiona e Sans2; o Centro de Investigación Forestal de Lourizán, e Feuga.

De acordo cos participantes do proxecto, este non é só un traballo teórico, senón que se trata dunha ferramenta validada en escenarios reais en diferentes tipos de estradas, en concreto, o proxecto probouse en dúas infraestruturas de Ourense: en Celanova, na autovía AG-3, e en Lobios, na estrada OU-312.

RESULTADOS DO PROXECTO

Segundo explicaron no acto de presentación dos resultados deste proxecto, celebrado este venres de forma virtual, para levar a cabo esta plataforma empregáronse diversas tecnoloxías, como un láser de escáner móbil –que saca imaxes de alta resolución das infraestruturas– ancorado a vehículos de estrada e a drones.

Ademais, utilizáronse imaxes satelitais e recorreuse a modelos meteorolóxicos para previr riscos de incendios nas estradas estudadas. A partir dos datos, elaborouse un modelo sobre o nivel de perigo que ten a vexetación localizada á beira de infraestruturas de transporte.

Con iso, empezáronse a estudar as zonas de risco asociadas a esas estradas, o tipo de combustible forestal á hora de propagar un incendio e o risco antrópico –posibilidade de afectación a poboacións–, tras o que se integraron modelos meteorolóxicos para axudar a predicir os riscos de incendio.

Cos datos solicitados, poderase establecer o nivel de risco de incendio, para valorar posibles accións e xerar alertas que permitan supervisar o mantemento e control da vexetación nas marxes das autovías e activar os protocolos de emerxencias.

ÚLTIMAS

“Ameaza a supervivencia do barrio”: Lavadores mobilízase contra o proxecto de vivendas da Xunta

Máis de mil veciños do barrio vigués de Lavadores asinaron unha carta dirixida ao...

O histórico Teatro Fraga de Vigo volverá á vida: case 20 millóns de euros para unha reforma que comezará en 2027

O Consello da Xunta autorizou este luns a licitación das obras de restauración do...

“O sábado foi un día histórico en Vigo”, di Caballero

O alcalde de Vigo, Abel Caballero, asegurou este luns que a ocupación hoteleira na...

Abanca estrea as súas novas instalacións corporativas en Vigo cun investimento que supera os 25 millóns de euros

Abanca estreou este luns, 16 de novembro, as súas novas instalacións corporativas en Vigo,...