InicioPolíticaCaballero pon en cuestión a legalidade da ampliación do Ifevi se se...

Caballero pon en cuestión a legalidade da ampliación do Ifevi se se inclúe o módulo de atletismo

O alcalde volveu a insistir en que a Xunta debe transferir ao Concello 5,5 millóns de euros para a reforma das pistas de atletismo de Balaídos

PUBLICADO O

- Advertisement -

O alcalde de Vigo, Abel Caballero, manifestou este martes a súa “preocupación” por posibles problemas de legalidade na ampliación do Instituto Feiral da cidade, xa que a inclusión dun módulo de atletismo supón unha “modificación do proxecto” e un “cambio de uso”.

Nunha rolda de prensa, o rexedor olívico volveu a criticar que a Xunta anunciase esa obra sen consultar co padroado do recinto feiral, e sinalou que, ao construír as instalacións para deportistas nesa ampliación, “pódese estar a incumprir a lei”.

Así, lembrou que a Xunta remitiu ao Concello e ao padroado un proxecto de ampliación do recinto, cunhas determinacións e usos concretos, pero “non se sabe se é o que se vai a executar”. “Temos preocupación de que se estea incumprindo a lei. Queremos comprobalo”, proclamou, e lembrou que, ao cambiar ese proxecto, podería porse mesmo “en risco” a expropiación levada a cabo pola administración municipal.

Finalmente, o alcalde volveu a insistir en que a Xunta debe transferir ao Concello 5,5 millóns de euros para a reforma das pistas de atletismo de Balaídos. “Pero non nolos queren enviar. Se o fixesen, empezariamos as obras de forma inmediata“, salientou.

ÚLTIMAS

Morre Xosé Luís Méndez Ferrín, o escritor político que levaba a Vigo e Ourense no corazón

Primeiro Beiras e agora Ferrín. A cultura galega perde unha das súas figuras máis...

‘Eterno 10’: así se chama a escultura de Iago Aspas que se instalará xunto ao estadio de Balaídos

Hai futbolistas que transcenden os resultados dun partido, os títulos e as estatísticas para...

A Seguridade Social responsabiliza Stellantis por unha doenza profesional en Vigo e impón un recargo do 30 % nas prestacións

A saúde laboral volve situarse no centro do debate sobre as condicións de traballo...

Caballero di agora que “pide que o Goberno de España pague” parte das obras necesarias para ser sede do Mundial

O alcalde de Vigo, Abel Caballero, dixo este mércores que el "pide que o...