Un coche deuse á fuga despois de atropelar a unha muller que ía a bordo dun patinete eléctrico en Vigo. Horas máis tarde, o condutor foi localizado.

Segundo informa o 112 Galicia, ocorreu na rúa Teixugueiras sobre as 14,15 horas. A central de emerxencias tivo constancia do suceso a través de Urxencias Sanitarias-061, tras o cal alertou á Policía Local, aos bombeiros de Vigo e a Protección Civil da cidade.

A muller circulaba nun patinete eléctrico e foi sorprendida polo impacto dun coche que, posteriormente, continuou a marcha, tal e como confirman fontes do corpo local a Europa Press.

As mesmas fontes relatan que ao longo da tarde os axentes lograron atopar ao condutor, pero non procederon á súa denuncia debido a que a vítima non presentaba lesións de gravidade.