Un home morreu tras saírse da vía o vehículo no que circulaba pola A-55, concretamente no quilómetro 26, no municipio pontevedrés de Tui.

Segundo informou o CIAE 112 Galicia, o suceso tivo lugar sobre as 17,20 horas, momento no que varios particulares alertaron da situación. Tras recibir os avisos, do 112 informaron a Urxencias Sanitarias de Galicia-061, aos Bombeiros do Baixo Miño, á Garda Civil de Tráfico, á Policía Local, á Agrupación de Voluntarios de Protección Civil de Tui, así como ao servizo de mantemento da autovía.

Con todo, o condutor do turismo morreu no traslado antes de chegar ao centro hospitalario.