Vigo volve ser a área que máis positivos detectou con 149, aínda que isto significa unha caída de 65 sobre os novos casos notificados o sábado.
Ademais, a área sanitaria de Vigo pasa este domingo o limiar do centenar de hospitalizados ao incrementarse en nove respecto ao anterior balance e situarse en 103. Os pacientes en críticos seguen en 26, sen cambios.
Todas as áreas sanitarias anotaron un descenso na cifra de casos activos. Vigo continúa como líder, con 2.442, aínda que son 66 menos que os que rexistraba o sábado.
Sobre os concellos en alerta máxima, na provincia de Pontevedra están en ‘vermello’ os concellos da Estrada, Lalín, Cambados, Pontevedra, Poio, Sanxenxo, Marín, Redondela, Vigo, Mos, Moaña, Ponteareas, Salvaterra, Tomiño e O Porriño.
