Vigo continúa coa mesma cifra de persoas contaxiadas, 512.
Galicia detectou 230 novos casos de covid-19 nas últimas 24 horas, o que supón 37 menos que os descubertos na xornada anterior. A cifra de vítimas mortais mantense en 729 desde a noite do sábado, cando se comunicou o deceso de dúas mulleres da residencia de maiores de Outeiro de Rei falecidas no Hospital Lucus Augusti (HULA).
Segundo a actualización deste domingo da Consellería de Sanidade, con datos de última hora do sábado, a Comunidade galega conta con 4.432 casos activos de covid-19 –persoas que aínda teñen a enfermidade–, 17 menos que hai un día.
Detectáronse novos casos no centro de maiores Santa Marta de Vigo, mentres un caso que cae da lista é dun traballador do xeriátrico de Moledo, en Vigo.
