A Policía Local de Vigo tivo que actuar en diferentes puntos da cidade durante esta madrugada polas queixas de cidadáns debido a festas e aglomeracións, que incumprían os protocolos e medidas sanitarias pola COVID-19.

En total, segundo trasladan fontes policiais, atenderon polo menos 10 requirimentos por festas en pisos, que se disolveron sen incidentes.

Un dos casos máis rechamantes foi o dun evento de inauguración no restaurante Candeán, que chegou a xuntar máis de 200 persoas sen máscara e sen gardar as distancias de seguridade.

Doutra banda, sobre as 00,30 horas, a Policía Local detectou unha quedada cun cento de vehículos e preto de 33 persoas no parque forestal de Beade, que terminou por disolverse.

Segundo engaden as mesmas fontes, cada vez son máis habituais as denuncias de particulares por congregaciones de mozos e vehículos nas zonas rurais, e ruídos por freadas e coches a velocidade inadecuada.