O PPdeG é a forza máis votada na provincia de Pontevedra nas eleccións galegas deste domingo, co 71,17 por cento escrutado, ao alcanzar o 43,10 por cento dos votos e lograr 11 escanos, dos 22 escanos que se elixen por esta circunscrición.

O BNG pasa a ser segunda forza, con seis deputados –catro máis–. O PSdeG baixa a terceira posición, a pesar de gañar un escano (5).

Pola súa banda, a coalición Galicia en Común (na que concorren Podemos, EU e Anova) queda sen representación. Tampouco entran nin Ciudadanos nin Vox.