Un accidente entre dous turismos no túnel de Montealegre da AG-46, á altura de Moaña saldouse sen feridos e co rexistro de danos materiais.

Segundo confirmou o 112 Galicia a Europa Press, a colisión entre os vehículos produciuse esta tarde ás 15:00 horas, cando urxencias sanitarias de Galicia-061 pasou a alerta a este servizo de emerxencias.

Un dos vehículos sufriu danos na parte traseira, mentres que o outro estaba visiblemente menos afectado que o primeiro. O incidente produciuse na parroquia de Domaio, por onde pasa este túnel en sentido Cangas.

Por mor da colisión, a Garda Civil tivo que cortar o tráfico e desviar aos vehículos pola PO-551 km 33+6, pola rotonda de Domaio, tamén cara a Cangas. Os xestores do 112 Galicia foron os que pasaron o aviso á Garda Civil, Policía Local, o servizo de mantemento da vía e Protección Civil de Moaña para actuar.

Afortunadamente non hai que lamentar danos persoais neste choque e só resultaron afectados os dous turismos implicados.