ATOPADO ás 16h en bo estado de saúde.

Máis dun centenar de efectivos de forzas e corpos de seguridade e veciños de Gondomar buscan un home 77 anos con alzhéimer desaparecido na localidade.

O alcalde do municipio, Francisco Ferreira, explicou que este home foi avistado por última vez mentres vía a televisión no seu domicilio da parroquia de Vilaza este venres de madrugada e que se tivo constancia da súa desaparición ao redor das 1,00 horas.

Posteriormente, esa mesma noite deuse aviso do ocorrido ás forzas de seguridade, que levaron a cabo unha primeira procura pouco despois.

Os traballos de localización retomáronse este venres pola mañá na contorna da vivenda do desaparecido coa colaboración dos seus familiares e veciños, así como coa de efectivos da Garda Civil, a Policía Local e Protección Civil.

Así mesmo, o rexedor avanzou que ás 15,00 horas deste venres estaba previsto comezar unha nova batida na que se habilitará o uso de ‘drones’ da Garda Civil para rexistrar zonas de difícil acceso.

Tamén explicou que as forzas de seguridade consideraron “viable” incorporar voluntarios á procura “con medidas de seguridade e distanciamento” dado que “se atopa en perigo a vida dunha persoa”.

Atopan ao veciño de Gondomar de 77 anos desaparecido dende a pasada madrugada