A caída dunha estada durante a realización das obras da Cidade da Xustiza de Vigo deixou dous operarios feridos, I.D.L. e G.G.M., de 41 e 38 anos, respectivamente, que tiveron que ser trasladados ao Hospital Povisa en ambulancia.

En concreto, os feitos tiveron lugar sobre as 14,00 horas deste martes, cando un particular alertou ao 112 Galicia dun accidente laboral ocorrido na rúa Vázquez Varela.

O servizo de emerxencias puxo a situación en coñecemento de profesionais sanitarios, bombeiros e axentes da Policía Local e a Policía Nacional.

Unha vez na zona, os efectivos comprobaron que dous operarios resultaran feridos por unha estada que se caeu. Así, os profesionais sanitarios atenderon no lugar dos feitos a estes dous homes, que se atopaban conscientes. Posteriormente, os dous homes foron trasladados ao Hospital Povisa en ambulancia.

Adicionalmente, o 112 Galicia deu aviso do ocorrido a Protección Civil, aínda que finalmente non foi necesaria a intervención dos seus efectivos.