A área sanitaria de Vigo contabiliza 63 falecidos por coronavirus. Unha das úlimas persoas en falecer foi un home de 82 anos ingresado no hospital vigués Povisa.

Cinco falecidos nas últimas horas en hospitais elevan as mortes en Galicia por coronavirus a un total de 402 –310 en hospitais e 92 en residencias–, segundo os datos da Consellería de Sanidade deste mércores.

Desde o inicio da pandemia, morreron 18 maiores no DomusVi de Cangas, 10 na DomusVi do barrio vigués de Barreiro, e tres na residencia Moledo.