Os casos en en Centro de Atención a Persoas con Discapacidade (CAPD) de Redondela seguen en aumento ao rexistrarse tres novos positivos en usuarios e dous máis entre os empregados. En concreto, xa hai 31 residentes e 18 traballadores contaxiados neste centro.
En total, nos CAPD de Galicia súmanse 49 usuarios contaxiados. Sete no CAPD de Sarria, catro en residencia Amicos de Boiro, tres na Residencia Dano Cerebral Cruz Vermella de Castro de Rei, dous en Santa Cruz San Rosendo de Ourense, un en Aspronga de Oleiros e un en Aixiña de Ourense.
En canto aos traballadores, hai un total de 39 infectados por esta enfermidade en Galicia. Detectáronse en Sarria (11), Aixiña (2) e un caso en cada unha das seguintes residencias: CAPD A Coruña, Amicos (Boiro), APAMP de Vigo, Souto de Leixa (Ferrol), Coral Seoane (Ferrol), DomusVi Bóveda, San Vicente de Paúl (Lugo) e Vivenda Tutelada Ágora (Monforte).
