InicioEconomíaAuxiliares de automoción en Galicia paran ou reducen actividade tras a suspensión...

Auxiliares de automoción en Galicia paran ou reducen actividade tras a suspensión en PSA Vigo

PUBLICADO O

- Advertisement -

Empresas auxiliares do sector de automoción galego paralizaron ou reduciron a súa actividade tras a suspensión de produción na planta de PSA Peugeot Citroën en Vigo (que pechará este mércores), segundo trasladaron fontes sindicais.

Así, aquelas firmas cuxa produción depende maioritariamente da planta automobilística de Balaídos optaron por parar e outras reduciron o seu persoal para dar resposta aos seus clientes doutros países, onde aínda se mantén a produción de vehículos.

A CIG trasladou que Faurecia Asientos, con sede no Parque Tecnolóxico Loxístico de Valladares, paralizou a actividade xa o pasado domingo, a instancias do comité de empresa, “ao non garantirse a seguridade do persoal”. Nese caso, os delegados de prevención adoptaron esa medida porque, aínda que estaba previsto o reforzo de limpeza e desinfección da maquinaria, non se podía asegurar o mantemento das distancias de seguridade entre os operarios.

O sindicato tamén informou da suspensión de actividade, desde as 14,00 horas deste martes, en Plastic Omnium, Lear ou fábricas do grupo Copo. Tamén está prevista a paralización en Denso ou Gestamp, e estase “negociando” en GKN Driveline e en Treves Pontevedra; do mesmo xeito, a suspensión de produción afecta tamén a plantas en Ourense, como as de Megatech, Hispaplasti, Incalplast ou Gaesa.

Os sindicatos apuntaron que, na maioría destas empresas auxiliares iniciouse xa a tramitación de Expedientes de Regulación Temporal de Emprego. Noutros casos, as factorías poden recorrer a “medidas de flexibilidade“, segundo apuntou CC.OO. Industria, como as bolsas de horas, os axustes do calendario laboral ou os días de exceso de xornada, para afrontar, “polo menos no curto prazo” a situación.

ÚLTIMAS

SPARC pecha o acordo cos seus principais investidores para establecer a planta de chips fotónicos en Valladares

SPARC Foundry asinou este luns o acordo cos seus principais investidores (Indra GRoup, Sociedade Española...

Comité e Stellantis inician a negociación para o pago da prima variable cun novo marco regulador

Os sindicatos e a dirección de Stellantis Vigo iniciaron as negociacións para buscar unha alternativa á...

Condenado a 2 anos de cárcere por agredir e ameazar á súa parella nun piso de Vigo, e a dous familiares que tentaron evitalo

A sección cuarta da Audiencia Provincial de Pontevedra condenou a penas que suman dous anos e...

Mikel Izal incorpórase ao cartel do Galicia Fest

A organización do Galicia Fest confirmou este luns a incorporación de Mikel Izal ao cartel do...