Un raposo foi atopado mentres vagaba polas inmediacións do número 259 da avenida Ricardo Mella en Vigo sobre as 10,15 horas deste xoves.

Segundo trasladaron fontes da Policía Local, unha patrulla deste corpo de seguridade foi alertada da aparición do animal por varios veciños da zona.

Tras trasladarse ao lugar, os axentes localizaron ao raposo, que parecía aparvado, mentres transitaba pola vía. Posteriormente, dous policías capturaron ao animal, que foi posto a disposición do Centro de Recuperación de Fauna Silvestre de Pontevedra.