Un camión avariado provocou unha vertedura de combustible na autoestrada AP-9 ao seu paso por Vigo, polo que foi necesaria a intervención dos bombeiros para a limpeza da vía.

Segundo informa o 112 Galicia, actúan sobre o tramo comprendido entre os túneles da Madroa e Candeán, sentido sur, onde o vehículo sufriu a rotura do depósito do combustible.

Colabora o persoal de limpeza e mantemento da vía. Tanto o condutor do camión como diferentes automobilistas puxéronse en contacto con emerxencias para dar aviso.