Unha muller de 39 anos foi denunciada pola comisión dun suposto delito contra a seguridade viaria tras impactar contra tres vehículos estacionados mentres conducía baixo os efectos do alcol en Vigo.
Segundo trasladaron fontes da Policía Local olívica, os feitos tiveron lugar ao redor das 2,40 horas da madrugada deste xoves á altura do número 177 da rúa Travesía de Vigo.
Nese contexto, a condutora chocou contra tres turismos que se atopaban aparcados, aínda que o suceso non levou danos persoais. Tras percibir que esta muller presentaba síntomas de atoparse baixo a influencia de bebidas alcohólicas, os axentes practicáronlle as probas correspondentes.
Finalmente, dado que os resultados do control de alcoholemia foron positivos e pasaban o límite penal establecido, a condutora quedou encartada en dilixencias xudiciais.
