A sociedade mercantil Uninaval, constituída por unha trintena de auxiliares acredoras de Hijos de J. Barreras, será a encargada de negociar o cobro das débedas que o estaleiro ten con estas empresas.

Así o trasladaron fontes da Asociación de Industriais Metalúrxicos, Asime, que tamén precisaron que os aspectos técnicos e organizativos das obras que se están levando a cabo no estaleiro serán acordados “individualmente” entre cada empresa e a nova dirección de Barreiras.

Por outra banda, tanto Asime como a propia Uninaval insistiron na importancia de “manter no estaleiro, na medida do posible, os proxectos contratados polos armadores Havila e Grupo Armas”, e subliñaron que a industria auxiliar “ten a capacidade e potencial suficiente para finalizar con éxito esas construcións axiña que como o estaleiro conte cun plan de viabilidade adecuado”.

Finalmente, reiteraron a súa “satisfacción” polo acordo anunciado por PMI (filial de PEMEX e accionista maioritario do estaleiro) e grupo Albacora con Ritz Carlton, para que esta se faga co control do estaleiro, á vez que puxeron en valor o seu “commpromiso económico, de dirección e control”.