O vicepresidente da Xunta, Alfonso Rueda, reafirmouse en que o Goberno galego estará “vixiante” para que se cumpra o convenio co hospital vigués Povisa.

Trasladouno no contexto das negociacións para a venda do centro, o maior hospital privado de Galicia, co Grupo Ribera Salud, propiedade da aseguradora americana Centene Corporation.

Rueda lembrou que é un centro concertado, co que hai que preservar “a un número de profesionais” e está regulada “unha calidade asistencial que se ten que seguir dando”, posto que o centro recibe a cambio recursos económicos da Xunta. “Estaremos vixiantes”, concluíu.