O alcalde de Vigo, Abel Caballero, expresou este luns a súa “gran preocupación” pola situación do estaleiro Barreras (cuxo presidente, José García Costas, foi cesado pola xunta de accionistas), e ofreceu a súa “capacidade de diálogo co Goberno” central para axudar.

O rexedor lembrou que se trata dunha empresa “importante” na cidade e para a industria do naval, á vez que incidiu nos niveis de facturación, contratación e emprego que están en xogo.

Por iso, Caballero proclamou que “todo aquilo” que poida facer “desde o Concello” e na súa “capacidade de diálogo co Goberno”, farao “en beneficio do estaleiro e dos traballadores”.

“Os que leven adiante o proceso de recuperación (do estaleiro), en todo o que poidan querer do alcalde e do goberno da cidade, téñennos á súa disposición”, ofreceu.

A xunta de accionistas de Barreras cesa a García Costas e a outros dous directivos