O alcalde de Vigo, Abel Caballero, asegurou este xoves que Peinador vai recuperar os voos perdidos e retomar a senda de crecemento, e volveu a culpar á Xunta da marcha de Ryanair da terminal viguesa.

Preguntado polas cifras do aeroporto, que rexistrou un descenso do 7 % no número de viaxeiros nos primeiros 8 meses do ano, o rexedor olívico asegurou que Peinador ten “un crecemento sólido e moi forte”, pero que perdeu os voos de Ryanair “porque a Xunta lle pagou para que se fose de Vigo”.

Segundo o alcalde, a pesar diso, Peinador vai recuperar voos, e instou aos xornalistas a “preguntar á Xunta canto lle paga a Ryanair para que voe desde Santiago e non desde Vigo”.

Así mesmo, lembrou que a aeroliña pretendía asinar un contrato co Concello de Vigo no que nin sequera garantía que ía voar desde Peinador. “En Santiago quen lles paga? A Xunta, co diñeiro de Vigo”, sentenciou.