Efectivos dos corpos e forzas de seguridade de Galicia e Portugal están buscando a un dos participantes no Tríatlon da Amizade, unha proba que se celebrou ao longo deste domingo entre Tomiño e Vilanova de Cerveira, en Portugal, e no que había participantes dos dous lados da fronteira.

O home non chegou á meta tras participar na proba feminina que comezou sobre as 15.35 horas. Nese momento activaronse todas as alertas para dar con ela.

Segundo as fontes consultadas por Xornal de Vigo, persoas que estaban seguindo a proba como público aseguran que viron como unha persoa se afundía no río Miño mentres participaba na proba. Con todo, esta información non puido ser confirmada.

O Tríatlon da Amizade é unha proba que transcorre en territorio galego e portugués e que leva varias edicións celebrándose. Ten lugar entre as localidades de Goián, en Tomiño, e Vilanova de Cerveira. Este ano había tres modalidades; BBT Menores, que comezou ás 11.15 horas, Proba masculina e estafetas, ás 15.30 e a modalidade feminina, ás 15.35.

Para as probas de adulto consiste nun primeiro sector 150 metros a nado, continuando con 20 quilómetros de proba en bicicleta e finalizando coa carreira a pé de 5 quilómetros