Un veciño de Cangas (Pontevedra) tivo que ser trasladado ao centro de saúde do municipio ao ser ferido con queimaduras nas mans despois de que se lle incendiase a cociña. Segundo informa o 112, foi o mesmo propietario desta vivenda da rúa de Longán quen alertou á central de emerxencias, ao redor das 15,30 horas da tarde. Na súa chamada, o cangués indicaba que lle ardía cocíña pero que non había feridos.
Seguidamente, os xestores do 112 puxeron en alerta á Policía Local, a Protección Civil e aos bombeiros do Morrazo, que indicaron que non foi precisa a súa intervención. Tamén foron informados os bombeiros de Vigo. Os profesionais de extinción constataron que neste incidente soamente ardeu a campá extractora, tras o cal deron por finalizado o servizo.
