O Concello de Nigrán (Pontevedra) decretou dous días de loito oficial polo falecemento da nena de tres anos que se afogou nunha piscina este luns. Deste xeito, segundo informou o alcalde, Juan González, en declaracións a Europa Press, este martes pola mañá decidiuse que as bandeiras ondearán a media hasta na localidade pontevedresa.

O rexedor puxo o foco en que o municipio xa “está de loito” polo suceso que se saldou co falecemento dunha nena de tres anos nunha piscina particular situada no Camiño da Carballeira.

Os feitos tiveron lugar este luns pola tarde, cando a menor de tres anos abandonou soa a súa vivenda, onde se atopaba cun familiar. Posteriormente, desprazouse a un domicilio próximo e subiu as escaleiras da piscina desmontable na que se atopou o seu corpo máis tarde. Os efectivos sanitarios que se desprazaron á zona non puideron salvar a vida á menor.