Un accidente de tráfico rexistrado a noite deste mércores cobrouse a vida de tres persoas e deixou feridas a outras dúas na parroquia viguesa de Teis.

Segundo informa o servizo de Emerxencias 112, o sinistro produciuse tras saírse da vía o coche no que viaxaban pola autoestrada AP-9, ao seu paso pola referida parroquia viguesa. Os dous feridos foron trasladados para recibir asistencia médica.

Ata o lugar do sinistro desprazáronse os servizos sanitarios, os bombeiros de Vigo e Miño, a Garda Civil e a Policía Local.