A directora de Turismo, Nava Castro, puxo en valor a difusión da cultura mariñeira e pesqueira das Rías Baixas levada a cabo polo sector turístico de Redondela. Durante a apertura do I Xornada Networking Redotour, unha iniciativa formativa celebrada na localidade pontevedresa na que participaron profesionais do sector, Nava Castro eloxiou o turismo “sustentable e respectuoso co medio” desenvolvido na zona con profesionais do mar e visitas ás lonxas.

Ademais, puxo como exemplo algunhas accións levadas cabo neste ámbito por entidades como a Fundación para a Pesca e o Marisqueo (Fundamar). Respecto da xornada de networking, a directora de Turismo asegurou que se trata dunha oportunidade para impulsar a cooperación entre entidades vinculadas ao sector turístico da localidade e para pór en marcha novas iniciativas mediante as oportunidades que ofrece o municipio.