A Xunta Electoral de Zona de Vigo resolveu este luns instar a En Marea e Ciudadanos a “respectar os lugares” destinados á colocación de cartelaría de propaganda electoral, despois de que En Común-Unidas Podemos presentase denuncia por vulneración electoral e da ordenanza municipal.

A denuncia refírese a a colocación de carteis de Ciudadanos en farois de da Porta do Sol e de En Marea, en báculos de iluminación pública en Avenida de Madrid. O alcalde e presidente do PSOE vigués, Abel Caballero, anunciou este luns que o seu partido tamén denunciara estes feitos no órgano xudicial electoral.

A Xunta Electoral acordou “requirir” a Ciudadanos e a En Marea que “respecten os lugares reservados para a propaganda electoral”, e que aparecen publicados no Boletín Oficial da Provincia o pasado 20 de marzo.