Marea de Vigo denunciou que as clases de Serigrafía Artística da Escola Municipal de Artes e Oficios (EMAO) non se impartiron desde fai cinco meses debido a que non se substituíu ao profesor, que sofre unha incapacidade temporal.

Nun comunicado, o grupo municipal criticou que non se cubriu esta praza e recalcou que as substitucións do persoal municipal son “competencia única e exclusivamente do propio Concello” a través dos seus responsables de persoal e Recursos Humanos.

Nesta liña, reprobou que o alcalde olívico, Abel Caballero, xustifique este tipo de situacións coa fixación da taxa de reposición e sinalou que a creación de prazas de mestres para a EMAO debe ser “prioritaria”.

Así, Marea de Vigo advertiu de que, se esta praza non se contempla na próxima oferta pública, esta especialidade desaparecerá da escola de oficios.

Neste sentido, o portavoz deste grupo municipal, Rubén Pérez, cualificou de “irresponsabilidade” o feito de que o goberno local colocase “nun segundo plano” as expresións artísticas e a formación cultural. Así, afirmou que este municipio sofre unha “desertización” nesta área e lamentou os “baleiros” formativos da cidade olívica.