Todo o litoral de Pontevedra terá a partir do mediodía, aviso amarelo por ventos fortes de máis de 80 quilómetros por hora debido ao paso dunha nova borrasca.

Segundo o Boletín de tempo meteorolóxico con avisos publicado por Meteogalicia, esta nova borrasca deixará unha tarde de choivas intensas e vento forte. O aviso amarelo por vento forte comezará ás 12,00 horas nas zonas da Mariña luguesa e a partir das 18.00 horas ese mesmo aviso trasladarase a Pontevedra con ventos de máis de 80 qm/h.

Mentres, a partir das 15,00 horas haberá aviso amarelo por precipitacións de máis de 40 litros por metro cadrado acumuladas no suroeste e oeste da Coruña e interior da provincia de Pontevedra.