O portavoz do grupo municipal Marea de Vigo, Rubén Pérez, encabezará de novo a lista para as eleccións municipais do 26 de maio despois de que se ratificase a única lista presentada ás primarias.
Segundo informou este luns Marea de Vigo, o segundo e terceiro posto ocuparano a filóloga e militante de Anova Oriana Méndez e o profesor de secundaria Xaquín Pastoriza, que participou en Podemos Vigo e no 15M.
Ronsel Miller, militante de Esquerda Unida (EU) e técnica superior de Desenvolvemento de Aplicacións Informáticas, e Ramón Lareu, filólogo e activista, formarán tamén parte da lista no cuarto e quinto posto.
Así mesmo, Iria Soltelo, enfermeira parte de Podemos Vigo, Néstor Vázquez, profesor e afiliado a Equo; e María Isabel González, licenciada en Filosofía e Letras e participante na Marea Feminista de Vigo; serán os ‘números’ 5, 6 e 7. A lista pecharana Guillermo Crego (EU), Ana Ardid e Óscar González (Podemos Vigo). Mentres, os postos do 12 ao 27 serán elixidos o Plenario da Marea de Vigo.
