Dous individuos vestidos con roupa de obra e armados con pistolas atracaron este xoves pola mañá unha tenda de mascotas en Vigo, da que levaron uns 16.000 euros tras atar e pehar a dúas traballadoras.

Así o confirmaron a Europa Press fontes da Policía Local de Vigo, que indicaron que ás 9,30 horas deste xoves recibiron o aviso dun atraco no parque comercial Meixoeiro, en concreto nunha tenda de animais.

Os asaltantes vestían roupa de obra, bragas de pescozo escuras e lentes tamén escuras e ían armados con pistolas, indicaron as mesmas fontes. Tras entrar na tenda de animais, os individuos maniataron con bridas a dúas empregadas e pecharonas. Posteriormente, fuxiron do lugar no vehículo dunha dos traballadores cun botín duns 16.000 euros.

A Policía Nacional fíxose cargo da investigación dos feitos para identificar e deter aos atracadores.