O alcalde de Vigo, Abel Caballero, presentará este xoves en Fitur a oferta turística da cidade, baixo a lema ‘Vigo sen límites’, e coa iluminación do Nadal como “produto estrela”, segundo avanzou en rolda de prensa.

O rexedor olívico celebrou que a cidade “está de moda no ámbito turístico” tras o “éxito incuestionable” da iluminación de Nadal, e apostou por aproveitar a repercusión desa campaña, que converteu a Vigo “nun dos destinos turísticos preferentes de inverno”.

Segundo explicou, ademais dese atractivo, o goberno local levará a Fitur outras citas como o Entroido, que este ano será “máis soado” e contará con “dous grandes concertos”; a celebración da Reconquista; ou as festas de verán que, na súa edición de 2019, terá 11 concertos, dous deles de “rango mundial”.

A oferta de Vigo completarase coa posta en valor do binomio mar-monte, é dicir, “a ruta dos parques forestais unida ao atractivo da ría”; coa promoción de Cíes como candidata a Patrimonio da Humanidade; o impulso ao turismo industrial; a ruta das medianeiras; ou a rede de museos municipais. A todo iso sumarase a oferta de “a mellor gastronomía do mundo”.