InicioDeportesO RC Celta de Vigo multado con 5.000 euros por vender alcol...

O RC Celta de Vigo multado con 5.000 euros por vender alcol nos palcos VIP

PUBLICADO O

- Advertisement -

A Comisión Permanente da Comisión Estatal contra a Violencia, o Racismo, a Xenofobia e a Intolerancia no Deporte propuxo este martes multas de 5.000 euros ao RC Celta por non garantir o cumprimento da prohibición de venda e consumo de bebidas alcohólicas no Estadio Abanca Balaídos.

Unha sanción que foi proposta ao comprobarse que, “nas localidades VIP existentes na Grada de Tribuna, espectadores saíran destas cara á zona de asentos exterior con envases de cristal que contiñan bebidas alcohólicas”, no encontro entre o equipo galego e a Juventus, na Europa League.

Non foi a única multa que se deu a coñecer ao longo da xornada, xa que tamén se propuxeron sancións de 30.000 euros ao CA Osasuna, polo apoio a colectivos de afeccionados vinculados ao grupo ultra Indar Gorri, e ao Real Betis, por deficiencias nas medidas de control de acceso e pola activación de bengalas.

“Proposta de sanción de 30.000 euros a Osasuna por actuacións relacionadas co apoio a determinados grupos de seguidores, a autorización e utilización de elementos de animación e a xestión do Libro Rexistro de Seguidores, todas elas infraccións da normativa vixente en materia de prevención da violencia no deporte”, informou Antiviolencia nun comunicado.

A sanción chega despois de analizar a actividade do colectivo de seguidores denominado Sadar Bizirik, así como a súa vinculación co grupo Indar Gorri, a partir dos antecedentes existentes sobre a participación de integrantes de ambos os colectivos en condutas contrarias á lexislación vixente.

ÚLTIMAS

Unha vivenda de 60.000 euros do condenado polo narcosubmarino para facer fronte a 25 millóns de mula

A Audiencia Provincial de Pontevedra sacou a poxa a vivenda de E.C.S.G, un dos...

O Porto de Vigo é “clave” para estar entre as comunidades máis exportadoras, segundo a Xunta

A conselleira de Economía e Industria, María Jesús Lorenzana, recoñeceu este martes que a...

“Hai silencios que doen”: Pepe Álvarez carga contra Rueda tras o ataque explosivo á sede de UGT en Vigo

A violencia contra unha organización sindical non pode quedar reducida a unha cuestión de...

O Mundial de Vigo terá que agardar: Xunta e Deputación rexeitan reunirse en plena campaña electoral

A candidatura de Vigo para converterse nunha das sedes do Mundial de Fútbol de...