InicioPolíticaCaballero confirma o recurso contra a sentenza que anulou a suspensión da...

Caballero confirma o recurso contra a sentenza que anulou a suspensión da licenza do centro de asociacionismo

PUBLICADO O

- Advertisement -

O alcalde de Vigo, Abel Caballero, confirmou este luns que o Concello recorreu ante o Tribunal Supremo a sentenza do Tribunal Superior de Xustiza de Galicia (TSXG) que anulou a suspensión da licenza urbanística para a construción dun centro de asociacionismo promovido pola Xunta na cidade, nos antigos xulgados da rúa Lalín.

En declaracións remitidas aos medios, o rexedor confirmou que esa sentenza está recorrida e, polo tanto, “non” é favorable á Xunta. “Non, non é definitiva. É unha sentenza susceptible de recursos e xa interpuxemos o recurso“, remarcou.

Con todo, o alcalde aclarou que ese procedemento “non é o fondo da cuestión”, senón que o que realmente está en cuestión é a titularidade do edificio (no que a Xunta quería construír un centro de asociacionismo, pero paralizou a actuación tras retirarlle o Concello a licenza). “E é unha obviedade que o titular da edificación é o Concello de Vigo”, engadiu. O rexedor lembrou que ese terreo “está inscrito no rexistro da propiedade a nome do Concello, non a nome da Xunta” e, por tanto, ese debate “aínda ten moito percorrido xurídico”.

Por iso, reprochoulle ao goberno galego que dea este litixio por gañado. “Non, queda moito percorrido e, ademais, imos gañalo porque de quen é o edificio, a titularidade da edificación, non se discute, é nosa”, insistiu.

ÚLTIMAS

Protestan ante o Concello de Vigo para pedir alternativas habitacións para persoas sen fogar que estaban na Acampada

Decenas de persoas protestaron na mañá deste luns ante as portas do Concello de...

O Pleno de Vigo aproba os orzamentos de 2027 coa oposición de PPdeG e BNG

O Pleno do Concello de Vigo deu este luns o visto e prace á...

A acampada de Vigo inicia o seu desmonte con concentracións para pedir vivenda para dez persoas sen fogar

A acampada pola vivenda de Vigo iniciou este domingo o proceso de desmonte do...

(Fotogalería) As mellores imaxes dunha noite máxica: Vigo acende o Nadal 2026

Vigo volveu converterse este sábado no epicentro do Nadal cun espectacular acendido que reuniu...