A fábrica de Vigo do grupo automobilístico Stellantis volverá deter a produción a finais de outubro por problemas de subministración de pezas necesarias para os seus vehículos. Segundo lle comunicou a empresa ao persoal, a actividade do Sistema 1, que monta o Peugeot 2008, quedará suspendida os días 29 e 30 de outubro.

A parada afectará ás tres quendas —mañá, tarde e noite—, segundo explicaron fontes sindicais a Europa Press. Non é a primeira vez que a planta viguesa ten que interromper a produción por falta de compoñentes. Esta situación repetiuse en numerosas ocasións nos últimos anos, tamén a comezos de 2026.