A Policía Nacional identificou o pasado venres varios mozos despois de que, supostamente, perseguisen e lanzasen insultos homófobos a outro home na zona da praia de Samil, en Vigo.

Segundo testemuñas presenciais dos feitos consultadas por Europa Press, todo ocorreu de noite nunha zona de monte próxima ao areal onde habitualmente se levan a cabo encontros entre homes homosexuais (cruising). Alí, un grupo de mozos encapuchados tería perseguido outro varón, aos berros de “maricón”.

Fontes policiais confirmaron a Europa Press que axentes da Policía se desprazaron ao lugar e identificaron varios dos supostos autores. Na actualidade, investígase o sucedido, xa que toda a información foi posta á disposición do xulgado competente.