O alcalde de Vigo, Abel Caballero, anunciou este luns a celebración dun concerto solidario cuxa recaudación destinarase a financiar axuda para as vítimas dos terremotos de Venezuela. Así o trasladou o rexedor con motivo da súa visita ao Consulado da República Bolivariana, onde asinou no libro de condolencias, e charlou co cónsul, Martín Pacheco.

Fontes municipais comunicaron que o Concello organizará un concerto solidario coas vítimas e que a recadación se destinará a financiar a compra de alimentos, auga, medicamentos e bens de primeira necesidade. Caballero sinalou que o evento terá lugar “canto antes” e que será “unha concentración de afectividade” e solidariedade dos cidadáns de Vigo co pobo venezolano.