O 112 informou este luns de que foi localizado o corpo sen vida dunha persoa na tarde deste luns na piscina dunha vivenda en Redondela. A vivenda, segundo o servizo autonómico de emerxencias, está situada na Subida ao Picoto, na parroquia de Chapela.

O 112 Galicia tivo coñecemento do suceso sobre as 17.20 horas a través do Servizo de Urxencias Sanitarias de Galicia-061. Tras recibir a alerta, informou do ocorrido á Policía Nacional e á Policía Local. Unha vez no lugar, os equipos de emerxencia confirmaron o falecemento da persoa, que foi achada no interior da piscina. As forzas e corpos de seguridade investigan as circunstancias nas que se produciu o suceso.