A delegación da UNED en Vigo organiza a actividade 29+1 xeolugares arredor da ría de Vigo. Proposta de acción patrimonial, na que presentará o proxecto de ‘xeomuseo do territorio’ no marco do Antropoceno.

A actividade, con 6 horas de aulas os días 7,8,9 e mais 2 horas de campo o día 11, fará un percorrido polos elementos senlleiros do xeopatrimonio más ou menos descoñecido ao redor da ría de Vigo, como a cova do Folón, o monte Vixiador, o delta de Moaña, a fervenza do Lagares,  as ‘pedras nomeadas’ da cidade de Vigo, o monte Galiñeiro, etc. terminando coa visita á praia da Calzoa-O Vao como exemplo práctico  de acción xeopatrimonializadora en andamento. 

O enlace coa info, contacto e formulario de inscripcións en https://extension.uned.es/actividad/51273