A Policía Local de Vigo arrestou o pasado domingo, día 15 de marzo, a un mozo de 24 anos de idade sobre o que figuraba en vigor unha orde de procura, detención e presentación requirida polo Xulgado de Instrución número 2 de Badaxoz por unha causa do ano 2015.

Os feitos ocorreron sobre as 22.00 horas, cando unha patrulla observou a un home cruzar a avenida de Madrid nunha zona que carece de paso de cebra. Por iso, os axentes advertíronlle do perigo que supón ese tipo de condutas, procedendo á súa vez ao cotexo rutineiro dos seus datos. Nese momento, decatáronse de que había unha orde de procura sobre o individuo, sendo detido e posto a disposición da autoridade competente.