InicioSociedadeA Audiencia confirma o dereito dunha filla á lexítima malia a "falta...

A Audiencia confirma o dereito dunha filla á lexítima malia a “falta de relación” alegada pola nai

O tribunal provincial con sede en Vigo determina que non se cumpren as causas legais para a desheredación ao non existir un abandono absoluto.

PUBLICADO O

- Advertisement -

A sección sexta da Audiencia Provincial de Pontevedra confirmou o dereito dunha muller a cobrar a parte da herdanza da súa nai que lle corresponde legalmente, a coñecida como ‘lexítima’. A resolución prodúcese despois de que a nai a borrara do seu testamento alegando unha “total e absoluta falta de relación entre ambas” e o “dano psicolóxico” que esta ausencia de afecto lle causara.

A filla impugnou a decisión da súa proxenitora e o Xulgado de Primeira Instancia número 13 de Vigo deulle inicialmente a razón. Malia que a irmá da demandante recorreu esa primeira sentenza, a Audiencia encargouse da apelación e confirmou o fallo de instancia nunha resolución ditada o pasado decembro. O tribunal provincial sinala que, aínda que “non existe dúbida” da mala relación entre as irmás, non se cumpren neste caso as causas legais esixidas para desheredar á recorrente.

Na súa argumentación, o tribunal destaca que, malia que a filla estivo anos sen ter relación coa súa nai, si estiveron en contacto dous anos antes do falecemento da muller, concretamente cando a proxenitora estivo ingresada nun hospital. Segundo a sentenza, as declaracións das testemuñas “non permiten colexir a existencia de mala relación” nese período.

Por este motivo, ao non producirse unha “falta de comunicación absoluta”, a Audiencia expón que “non cabe reputar a situación como de abandono” por parte da filla. Así mesmo, os maxistrados indican que non consta que a escasa relación entre ambas durante anos provocase un “sufrimento relevante na testadora”. En consecuencia, o tribunal desestimou o recurso de apelación e confirmou o dereito da filla a percibir a súa parte da herdanza.

ÚLTIMAS

“Que asinen mañá”: Caballero desafía a Rueda e á Deputación polo Mundial de Vigo

O alcalde de Vigo, Abel Caballero, insistiu este xoves en que nin a Xunta...

Media ducia de detidos e diversas drogas intervidas en só dúas semanas, en operativos contra o ‘menudeo’ en Vigo

A Policía Nacional da Comisaría de Vigo-Redondela detivo seis persoas en cinco operacións contra...

Morre Xosé Luís Méndez Ferrín, o escritor político que levaba a Vigo e Ourense no corazón

Primeiro Beiras e agora Ferrín. A cultura galega perde unha das súas figuras máis...

‘Eterno 10’: así se chama a escultura de Iago Aspas que se instalará xunto ao estadio de Balaídos

Hai futbolistas que transcenden os resultados dun partido, os títulos e as estatísticas para...