Tráxica fin de semana. Un motorista de 34 anos faleceu este domingo nun choque frontal cun coche na AP-9 a Baiona e un piragüista apareceu morto fronte o Parador desta vila.

O motorista falecido ía acompañado por unha moza que resultou ferida na colisión ocorrida na Autoestrada do Atlántico á altura de Vigo na tarde deste domingo, segundo informa o servizo de emerxencias do 112 Galicia.

A moto na que viaxaban chocou contra un turismo que circulaba no mesmo sentido pola AP-9, no punto quilométrico 156, á altura da saída en dirección a Baiona. O condutor do turismo saíu ileso. O falecido era de Ames.

Por outra banda, este domingo apareceu o corpo sen vida dun mozo foi localizado baixo unha piragua en fronte do Parador de Baiona, despois de que un veciño que paseaba pola zona avisase aos servizos de emerxencia.