A cidade de Vigo foi a elixida para ser escenario do tradicional desfile con motivo do Día das Forzas Armadas, que terá lugar o próximo 30 de maio de 2026. Así o confirmou, en declaracións remitidas aos medios, o alcalde, Abel Caballero, que explicou que a propia ministra de Defensa, Margarita Robless, e o Xefe do Estado Maior da Defensa, Teodoro López Calderón, avanzáronlle telefonicamente que Vigo acollería o desfile.

O rexedor explicou que este luns recibiu carta de López Calderón na que confirma “oficialmente” a celebración do evento o 30 de maio, e lembrou que se trata dun desfile tradicionalmente presidido polos Reis españois.”Vigo ten unha enorme tradición de apoio e querenza ás Forzas Armadas, e é o momento de volver dar o noso apoio”, proclamou Abel Caballero.