O alcalde de Vigo, Abel Caballero, mostrouse “encantado” de que Peinador sexa o primeiro aeroporto de España que dispón dunha torre de control dixital: “É a modernidade, a vangarda”. Así o sinalou nun audio difundido aos medios de comunicación tras visitar esta mañá as instalacións, situadas nun inmoble próximo á torre de control analóxica.
Alí estivo acompañado, entre outros, do delegado do Estado en Zona franca, David Regades, e de directivos do Ministerio de Transportes e Mobilidade Sustentable, AENA, AESA e Saerco. O rexedor explicou que son 19 cámaras as que proxectan as imaxes da pista de aterraxe nunha pantalla formada por 13 monitores de 55 polgadas. “É unha forma excepcional de ver toda a aterraxe en 360 graos”, reivindicou Caballero.
