O alcalde de Vigo, Abel Caballero, informou de que o Concello enviou finalmente o plan xeral de ordenación municipal (PXOM) da cidade para a súa publicación no Boletín Oficial da Provincia de Pontevedra (BOPPO), tras aprobarse en pleno xa o pasado 26 de maio.

Nun audio enviado aos medios de comunicación, o rexedor dixo que se trata do “último trámite” para que a PXOM estea aprobado “para todos os efectos”, polo que dentro de preto dun mes estarao definitivamente.

Caballero puxo en valor este plan, que permitirá, entre outros aspectos, a construción de máis de 50.000 vivendas, das que máis de 14.000 terán algún tipo de protección. “Dentro de moi pouquiñas semanas teremos unha gran noticia en Vigo, a noticia do século: apróbase o plan de ordenación municipal“, sentenciou Abel Caballero.